La strada ‘ciotolata’
Cara strada ciotolata
incontrà in tuto el giro;
no podemo dirte amata:
te ne ghe blocà ‘l respiro!
Xè pur vero che ‘na volta
se podeva solo usare
le risorse che, talvolta,
la natura savea dare.
E i Comuni de la Serra
gà coverto in ciotolato
tute ‘e strade fate in terra
in ogni centro abitato.
Par passar con la ‘magrela’
su quei fondi un po’ sconnessi
star se deve su de sela
e aver pronti i riflessi.
E co se va zò in discesa,
in quee rampe irte assai
la xè proprio un’impresa
a evitare seri guai.
Co’ te rivi a ‘a conclusion
de quea specie de agonia,
te vien fora un sospiron:
“Finalmente, a xè finia!”
“Finalmente, a xè finia!”
CIAO "magrelas" - "missione compiuta"
z
Nenhum comentário:
Postar um comentário